من Amaal Abu Saa
عجينه كنافه بنطحنها ناعمه انا هون استعملت نص باكيت بتكون مجمده و حطيتها بطنجره على النار مع نص اصبع زبده و حمصتها لحد ما صار لونها اشقر زي اللي بصوره..و اذا بتحبو بس تشقر ضيفو 1 م ص قرفه. .بس تتحمر بتكونو مجهزيين قطر جامد بنطفي النار و بنضيف القطر شوي شوي و بالتدريج و بنحرك لما نحسها صارت كتله وحده بنفردها بيبايركس وسط و بنفردها كويس...بنسيبها تبرد ورح تجمد...
هلا القشطه....
لكل كوب حليب 1 م ك نشا و 1 م ك سميد..انا هون حطيت 4 كاسات حليب و 4 م ك نشا و 4 م ك سميد و سكر حسب الرغبه و حركتهم على البارد بعدين على النار بس يجمدو بنحط عليهم قشطه..انا حكيت باكيت قيمر كبير ممكن تحطي علبتين قشطه بنطفي النار و بنحرك و بنضيف ماء زهر و ماء ورد....هلا اذا حسينا انه الخليط مو جامد كفايه ممكن بسب اختلاف نوع السميد ممكن نذوب كميه بسيطه من النشا بشويه ميه و نزيدها و نحرك بسرعه....
بنسكبها فوق خلطه الكنافه...و بنزينها بالفستق الحلبي....وعند التقديم...بنحط جنبها قطر..للي بحبها حلوة زياااده...و صحتين و عافيه. ...
التعليقات
RSS تغذية للتعليقات على هذه المادة