من مريم
المقادير بالاكواب المعياريه ❤
2 بيض بحرارة الغرفة
نص كوب سكر
تلت رباع كوب حليب سائل
نص كوب زيت
ملعقة صغيرة فانيلا
نص ملعقة صغيرة هيل
كوب طحين منخول
نص كوب فستق مطحون
تلت رباع كوب بسكوت شاي مطحون
ملعقة كبيرة بيكنغ باودر
رشة ملح
بخلط المواد الجافه مع بعض ( الطحين والفستق والبسكوت والهيل والملح والبيكنغ باودر )
بخفق البيض مع السكر والفانيلا بضيف الزيت والحليب .
بضيف المواد السائله عالجافة وبسكب الخليط بقالب مدهون زبده ومرشوش بالطحين وبخبزه بفرن محمى مسبقا عال 180 لمدة 25 دقيقة او حسب نوع الفرن .
الصوص
علبة حليب مكثف محلى الكبيرة
8 حبات كيري بحرارة الغرفة
بخلطن بالخلاط وبس يبرد الكيك بزينو وبعمل خطوط بكريمة الفستق وازا مو متوفرة بستبدلها بالنوتيلا او زبده اللوتس
وممكن نستبدل الصوص الابيض بغناش الشوكولا
بسخن 175 مل كريما سائله للحلويات وبضيفها على 140 غ شوكولا داكنه وبتركها شوي لتدوب مع التحريك كل شوي وبس تدوب منيح بضيف 50 غ زبده بحرارة الغرفة .
بترك الغناش شوي بالبراد حتى يتقل وبزين فيه الكيكة
