من ام بلال
كيكة النعنع ???
من اطيب الكيكات ومنعشه وخفيف
الطريقه...... حجم الكوب 250 مل
كوبين طحين
تلات ارباع الكوب حليب سائل دافي
كوب سكر
ربع الكوب زيت
3بيض
ملعقه كبيره بيكنغ باودر
كيس فانيلا او ملعقه صغيره فانيلا سائل
برش ليمونه وعصيرها
كوب نعنع مقطف فقط الورقات مغسول ومصفي وبنضغط باليد لحتي يمتلئ الكوب.
بابريق الخفق اول شي كوب السكر وبنطحنه وبنضيف البيض ونخفق 5 دقايق وبنضيف الحليب والزيت والنعنع والليمون وبرشها وبنشغل الخلاط لحتي ينعم الخليط تماما.
بصحن عميق بننخل كوبين الطحين والبيكنغ باودر ورشة ملح.
بنسكب السائل فوق الطحين وبنحرك بس يختلطو بنوقف وما في داعي للخفق كتير وبنسكبها بقالب مدهون سمنه ورشه خفيفه طحين وبنخبزها بفرن حرارته 180لمدة45دقيقه او حسب فرنك.
بتركها تبرد تماما.
الجناش.
200غرام كريمه سائل
200غرام شكولاطه خام بتكون دارك ونسبة الكاكاو عاليه فوق ال50بالميه بطنجره صغيره بنسخن الكريمه تسخين فقط ما تغلي وبنسكبها فوق الشكولاطه المفرومه وبنحرك لحتي تذوب الشكولاطه تماما.
بنتركها تبرد قليلا وبنسكبها فوق الكيكه.
اول شي دهنت الكيكه بالفرشاة شكولاطه واخر شي سكبت الباقي فوقها. التزيين حسب الرغبه.
