كنافة بالجبنة
مشاهدة وصفات اخرى بواسطة ام احمد
Description
من ام احمدكنافة بالجبنة
بتجيبي عجينة الكنافة من اي محل حلويات او من المول بتفتحيها بالسمنه وانا بستعمل سمنة الاصيل وسمن بلدي كم معلقة للطعم بتحطي كمية منيحة وبتقدري تحطي مع السمنه صبغة الكنافة هون انا مش حاطة هلا بتجيبي صينية وبتدهنيها سمنة وبتاخدي ثلثين الكمية وبتفرديها بالصينية وبترصيها بايدك اكبسيها بعدين بتجيبي جبنة بيضة حلوة وجبنة موزاريلا بتفتفتيها وبتفرديها فوق العجينة بعدين بتحطي قسم العجين يلي ضل وبتدخليها الفرن بالوسط وتحريكها ما بتاخد وقت نص ساعة لما تصير تتحرك واطرافها اشقر خلص بعدين اشويها وبعدها طلعيها واسقيها قطر بحرارة الغرفة يكون وصحتين