على طريقتي الخاصة : نصف كيلو كنافة حطيتلها كوب سمن سايح وفرمتها بماكينة اللحمة دور بعدها دهنت الصينية بالسمنة وحطيت نص كمية الكنافة وكبستها هون بكون عاملة القشطة وهي عبارة عن كوب حليب و4 ملاعق طحين وملعقتين سكر كبيرة بودرة وملعقتين ماء الزهر وكوب قشطة قيمر وكوب موزاريللا وكلهم على النار مع التحريك المستمر طبعا وقت يبلش يغلي منطفي عليها ومنضيف الجبن ومنضيفها فوق طبقة الكنافة الأولى بس ما نخليها تجي عالحواف وبعدها منضيف الطبقة التاني من الكنافة ومنملسها منيح ومنحطها بالفرن حتى تحمر حوافها منحطها عالرف الشبكي بالفرن من فوق وكل شوي مندورها حتى تحمر منطلعها من الفرن ونسقيها بشوي من القطر ومنزينها بالفستق الحلبي وتقدم صحة وهنا
