من ام مهند عمري
الطريقة:::::::::::
اول شي بحرق كاسة سكر عالغاز لتصير كراميل.. و بوزعها بالقالب و بخليها تمر عاﻻطراف كمان بتعطي لون حلو.. و بوزع شرحات اﻻناناس..
الكيكه::: 3 بيضات و كاسة سكر و معلقة كبيرة فانيﻻ و برش ليمونة.. بخفقهم منيح مع بعض ليفتح لون المزيج بضيف 3/4 كاسة زيت و 1/2 كاسة لبن زبادي و 1/2 كاسة من عصير اﻻناناس الي بالعلبه.. و بخفق كتير كويس..
هﻻ بنخل كاستين و نص طحين مع معلقة و نص كبار باكنج باودر.. و بضيف عليهم مزيج البيض.. بالتدريج و بخلط.. و لما تمتزج المكونات مزبوط.. بصبهم على شرحات اﻻناناس و على فرن حامي 175 بتاخد 45 دقيقة او اقل شوي..
و لما تطلع بشربها بباقي عصير اﻻناناس او قطر خفيف و صحتين.. انا ماحطيت قطر و ﻻ عصير اكتفيت بالسكر الي فيها..
