من ام بلال
اول شى بنعمل كيكه اسفنجيه.
حجم الكوب 250 مل كوب النسكافيه العادي......
القالب قياس 28 سم يفتح من الطرف
5 بيض بحرارة المطبخ
تلات ارباع الكوب سكر مطحون ناعم
كوب ونصف طحين
ربع الكوب زيت او ماء ساخن او عصير برتقال
ملعقه كبيره وسط بيكنغ باودر
فانيلا ملعقه صغيره
ملعقه كبيره خل
نخفق البيض لوحده مع رشة ملح 10دقايق وبنضيف السكر شوى شوى والفانيلا والخل والزيت وبنوقف الخلاط .
بملعقه عريضه بنضيف الطحين والبيكنغ باودر المنخولين معا بواسطه منخل وبنحرك بعكس عقارب الساعه نصف دائره لحتى يختفي الطحين بنسكبها بقالب مبطن ورق زبده ومدهون سمنه نباتي ومرشوش طحين.
يخبط القالب قليلا لحتي تتساوى العجينه ونخبزها بحراره170نصف ساعه او حتى تنضج وبنتركها لحتي تبرد تماما.
الحشوه....الي عايشين بالدول العربيه.....
اول خطوه.....
ملعقتين جيلاتين ناعم يذوب بنصف كوب ماء بارد بطنجره صغيره ويترك علي جنب ربع ساعه.
بنسخن ماء بطنجره اكبر وبس تسخن الماء بنخفف الحراره لاقل درجه وبنوضع طنجره الي ذوبنا فيها الجلاتين بدون ما تلمس الماء الساخن يعني علي البخار فقط وبنحرك لحتي يذوب تماما وبنبعد الطنجره الكبيره عن الحراره وخلي فوقها طنجرة الجلاتين.
600غرام جبنه كريميه او فلادلفيا
400غرام لبن زبادي دسم10بالميه
500غرام كريمة بوك السائل(او مغلفين كريمه بودره دريم ويب مثلا نوع جيد وكوب حليب بااااااارد)
كوب سكر ناعم ادا استخدمتو الكريمه السائل لانها بدون سكر وادا استخدمتو الكريمه البودره بكفي نصف كوب لان الكريمه البودره فيها سكر
فانيلا
اول شي بنخفق الجبنه واللبن بخفاقة يد.
بنفس الوقت شغلو الخلاط علي الكريمه والسكر والفانيلا لحتي يجمد فقط لا تكترو خفق
بنرجع الجلاتين علي حراره هاديه(لا تنسو الجلاتين فوق البخار فقط يضل)
بناخد من خليط اللبن والجبنه 5ملاعق وبنضيفهم للجلاتين وبنحرك بسرعه (بنضيف ملعقه وبس تختفي بنضيف ملعقه اخري لاخر الخمسة الملاعق)
مهم كتير الجلاتين ما يكبتل وادا كبتل خلوه فوق البخار راح يدوب.
بنضيف خليط الجلاتين فوق خليط الجبنه واللبن وبنحرك بسرعه واخر شي بنزل الكريمه المخفوقه وبس يتجانسو توقفو.
الكيكه تقسم من النصف ونضع النصف الاول بالقالب ونسكب الكريمه (كميتها كبيره وبتوصل لاخر القالب وهاد المطلوب) وبنضع فوقها القسم التاني من الكيكه وبنضغط برفق بنغلف الكيكه بنايلون وتوضع بالتلاجه طول الليل.
زينوها كيف بتحبو طبخت التوت المجمد بماء ونشاء ونقطة صبغه حمراء وسكر ووقت التقديم اضفته برفق بملعقه كبيره وزينت بتوت فرش.
ممكن بكرز او فراوله او اي شي بتحبوه. وممكن بعلب فواكه جاهزه للتشيز كيك.
الي عايشين بالمانيا.....
نفس الخطوات بس بدل الجبنه واللبن
كيلو لبن كوارك
وكريمه شلاق زانا (راما افضل نوع)
علبتين.
والتوت المجمد طبخته بمغلفين تورتن قوس وسكر وكوب ماء .
