من فداء حداد
انتشار جديد لوصفات بتحتوي على شي اسمه بذور الشيا او التشيا
البذور هي مالها طعم بس فوائدها الغذائيه رهيبه رهيبه هي النسخه الاسبانيه من حبوب الميرميه وصارت متوافره ببلادنا ..تحتاج انو تتقدم مع نكهات وغالبا يستعمل حليب جوز الهند او اللوز لكن هلا كترت طرق تقديمها واعدادها وصارت تخلط مع المخبوزات او مع الشوكلاته والفواكه باشكالها
لكن هي صحيه جدا بتخفف الكوليسترول الضار وبترفع الكوليسترول الجيد و بتعطي شعور بالشبع لانها بتبطء امتصاص السكر لهيك بتفيد مرضى السكري وغنيه بالاوميغا والكالسيوم لهيك لا لهشاشه العظام معها وكمان لصحه اسنان افضل و لسه شو رح احكي ما رح تخلص فوائدها جربو جوجل واقرأوا عنها
اليوم هالوصفه طيبه ومكوناتها موجوده بكل بيت جربوها بذور الشيا بالهيل وماء الورد ..يمكن اولها تستغربوا طعمها او ملمسها بالتم بس بعدين بتتعودا وازا حابين وجبه مشبعه وخفيفه الكالوريز للدايت
