من ام بلال
..
مقادير كيكه اسفنجيه بقالب حجمه 26 سم
حجم الكوب 250 مل ربع لتر.
كوب طحين
ربع الكوب نشاء
5بيض
تلات ارباع الكوب سكر
ربع الكوب زيت
ملعقه صغيره بيكنغ باودر
ملعقه صغيره فانيلا
رشة ملح
برش ليمونه وقليل من عصيرها
بنخفق البيض مع السكر والفانيلا ربع ساعه
لحتي يصبح متل الكريمه وبنضيف الزيت متل الخيط والليمون وبرشها ورشة الملح.
بنوقف الخلاط وخفاقه يدويه او ملعقة خشب بنضيف الطحين المنخول مع النشاء والبيكنغ باودر شوي شوي وبقالب مدهون طحينيه بنسكب العجينه وبنخبطها خبط خفيف وبنخبزها بحراره 160 لحتي تنضج لا تفتحي الفرن قبل نصف ساعه وبنتركها بالفرن بعد ما نطفي الحراره ربع ساعه كمان
نترك الكيكه تبرد تماما.
بنعمل فتحات متل الصوره.
الكريمه.
حبة جوز هند بنكسرها وبنقشرها وبنشيل القشره القاسيه وفقط اللب الابيض بدنا اياه قطعي قطع صغيره ضيعيهم بابريق الخفق مع لتر حليب واخفقي لحتي ينعم جوز الهند.
بطنجره اسكبي الحليب وضيفي باكيت كريمه بودره وفانيلا وخمس ملاعق نشاء وممكن تضيفي ماء جوز الهند الي كان بالحبه واربعة ملاعق سكر وممكن اكتر واخفقي وحركي طول الوقت لحتي يجمد متل المهلبيه مش كتير جامد ولا خفيف.
اسكبي فوق الكيكه لحتي تتعبي الفتحات وعبي القالب واتركي لحتي يبرد تماما ويا ريت تعملوها قبل يوم بطلع افضل واطيب وادا مستعجلين بكفي 5ساعات بالتلاجه.
ملاحضه.....ادا ما عندكم حبة جوز الهند ممكن كوب جوز هند عادي يطحن مع الحليب وكملو متل الطريقه
رائعه بالطعم والشكل .
