من ام يوسف
هي وصفة اليوم كيكة من النوع مختلف شوي بس جدا سهلة
كيكة البسكوت و الحليب مشقر
#ادمن_ام_يوسف
و هي طريقة و ان شاءالله تعجبكن
كيكة الحليب و البسكوت المشقر
اول شي منحمص كاسة حليب بودرة و كاسة بسكوت شاي مطحون ناعم ع النار هادئ حتى تشقر لونن و منتركه يبرد ع الجنب..
منخفق ٤ بيضات ع حرارة الغرفة+ ١/٢ كاسة سكر+ م ص فانيلا حتى تضاعف حجمه و منقلبه مع علبة قشطة ١٧٠ ج + ٧٥ ج زبدة دايبة و منضيف البسكوت و الحليب المشقر مع م ص باكينج بودر و منقلبهن منيح و منسكبه بقالب مدهون زبدة و مرشوش طحين و ع الفرن محمى مسبقاً ع درجة ١٧٥ حتى الاستوى ( منختبر الاستوى بخلة اسنان) .. بهاي الوقت منجهز الصوص الابيض: في خلاط الكوكتيل منضيف ٤ م ك حليب السائل+ ٨ حبات جبنة كيري و كاسة سكر بودرة و منخلطهن منيح .. منخرج الكيكة من الفرن و منحط عليها الصوص و منرجعها الفرن ( منشغل الشواية و منطفي الفرن و ع الرف بالاسفل بس ٥ دقائق و منطلعها( بس يدوب تتماسك الصوص) و منتركها تبرد تماماً و ع البراد ربع ساعة و تقدم مع القهوة او الشاي و عليكم بالف عافية.. ام يوسف
ملاحظة: القالب اللي استخدمتوا قالب متوسط الحجم
