من ناظم عبد الرحمن
طريقة الخبز بفليفلة .. العجين عبارة عن طحين و ملح و ماء منعجن العجين و منتركها ترتاح ربع ساعة و بعدين منقطعها على شكل كرات و منتركها ترتاح نصف ساعة و منعمل دبس الفليفلة المؤلف من بصلة مفرومة ناعمة منقليها بزيت الزيتون لتدبل و منضيفها لدبس الفليفلة مع كمون و سمسم و حبة بركة و دبس رمان و كمية وافرة من زيت الزيتون .. هلئ منرق الرغيف بالشوبك بمساعدة الطحين و بعدين منكل الرق بالايد و الافضل يساعدك شخص و تمسكوا الرغيف و تشدوا شوي شوي من كل الاطراف و بعدين منحطو على مقلاية تيفال عالنار انا حطيتو على مقلاية الكريب كبيرة و مسطحة و مندهنو بالمحرة و هو عالنار بسرعة و بمجرد ما نخلص بكون استوى منرفعو و منغطيه ليبقى طري و الف صحة ..
