من علا سليمان تاشمان
عجينه مابتنشف بضلها يومين طريه
الطريقه ...
بصحن غميق بنحط كاس حليب بودرة .. معلقتين كبار خميره ..معلقتين كبار سكر .. كاستين مي دافيه .. بنخلطهم مع بعض وبنتركهم خمس دقايق حتى تفور الخميره.. بنحطهم فوقهم نص كاس زيت .. معلقه كبيره بيكنغ باودر .معلقه صغيرة ملح ..
وبنخل 4 كاسات ونص طحين اكتر شوي وبنعجنهم حتى تتكون عجينه طريه مابتلزق بنتركها تتخمر ساعه وبتشتغلو فيها ... .. والف صحه O
مقادير لنص كيلو لحمة عجل مفروم .. 4 حبات بندورة بنشيل لب منها ..بنحطها بفرامة اللحمه مع اللحمه ...حبتين فليفله خضراء ..نص كاس بقدونس مفروم ناعم..ملح ..فلفل ..دبس رمان معلقه كبيره ..مربى بندورة 3 ملاعق كبيره..دبس فليفله معلقه صغيره ..حبة بصل ..بنفرمهم منيح ..وبنحطهم على جنب ... هلا بناخد العجينه بنعملها رول وبنقطعها قطع .. وبنريحها عشر دقائق .. وبناخد كل قطعه وبنفردها وبنتركها ترتاح خمس دقائق بعد الفرد .. بنحظر الصنيه ..وبنحط قطعة العجين المفروده ..وبنحط اللحمه بقلبها وبنضل نرق فيها في ايدينا حتى تتوزع اللحمه وتوصل الاطراف ..بندخلها الفرن الرف الوسط 200 درجة الحراره والف صحه وهنا ... وبنغطيها بقطعة قماش لمى نطلعها من الفرن حتى تضل طريهO.T
⚘⚘⚘⚘⚘⚘⚘⚘⚘⚘⚘⚘⚘⚘⚘⚘⚘⚘⚘صبايا .بالنسبه لمعجنات الجبنه .. .ادهني العجينه وقت بدك تحشيها جبنه سائله اي نوع ..وحطي جبنه اي نوع بذوب وبتطلع بتشهي .. جربوها .. سر من اسرار المعجنات
