عيش السرايا : أول شي بنجيب خبز توست محمص بنشيل أطرافه وبنطحنه ناعم حطيت عليه معلقة قرفة صغيرة وبعدين حطيت عليه قطر جامد من السكر المكرمل ( بتكرملي كوب سكر عالنار لما يبلش يتغير لونه للون الذهبي زيدي عليه كوب مية وخليه يغلي وحطي نقطتين لمون لما يعقد منيح اطفي عليه ) لما يبرد القطر شوي صبيه عالتوست المطحون وقلبيه معه لبين ما يتبلل كله بالقطر رصيه بالصينية وحطيه شوي بالثلاجة لبين ما يتمسك ببعضه واعملي الطبقة البيضة عبارة عن حليب ونشا وسكر نفس المهلبية حركيهم عالبارد وحطيه عالنار وظلي حركي لبين ما يثقل ويبدا يجمد حطي عليه علبة قشطة بوك ومعلقة ماء الورد وحركيه كتير منيح بعدين صبيه فوق طبقة التوست واتركيه بالثلاجة ساعتين وبس يجمد زيني الوجه بالمكسرات حسب رغبتك وعند التقديم ضيفي العسل لكل قطعة وصحتين عقلبك
