من ام يوسف
خبز براتا الهندية
٣ كاسات طحين منضيفله ٣ م ك سميد + م ك سكر + م ص ملح و منقلب و منضيف ماء دافي بتدريج و نعجن منيح حتى نحصل على عجينة ملساء ماتصلق باليد و منغطيها و منريحها نصف ساعة .. منقسم العجينة الى كرات متوسطة الحجم ..
اهم خطوة هى خطوة الفرد العجينة حتى نحصل على رقات: منرش كمية منيحة من الطحين ع سطح الفرد و منفرد العجينة ع شكل مستطيل و منرققها و منكون مجهزين كمية من خليط السمنة و الزبدة و الزيت.. مندهن سطح العجينة و منطوي العجينة المفرودة لجوا الاول و بعدين لبرا و نكرر هيك ( نفس فكرة المروحة بالورق.. كيف منطويها ) و منرجع مندهنها سمنة و منلف من الطرف ع شكل الرول حتى نحصل ع شكل الوردة و مندهنها سمنة و منريحها بعد التشكيل و بعدين مندهن ايدينا زيت او سمنة و منضغط من النصف و منفرد العجينة ع شكل الخبز و منخبز ع الصاج او مقلاية تيفال من جهتين حتى تتحمر و تقدم ساخناً و بالعافية.. ام يوسف
