من فردوس
كن ملاحظات و تعديلاتي عالوصفة رح اكتبها هلا
اول شي
ضفت نص معلقة صغيرة كبش القرنفل مطحون
نص ملعقة صغيرة جوزة الطيب مطحونة
نص ملعقة صغيرة بهار مشكل ( لا تستغربو ) الطعم جدا رح يختلف فيها
الصوص فيكم تتبعو اللي بالوصفة بس رح تطلع حلوة كتير
وللمستعجلين متلي علبة قشطة 170 غم مع 100 غرام شوكلاته بيضا نسخنهم عالنار و لا نخليهم يغلو و نصبهم فوق الكيك
واخر ملاحظة الزبيب و الجوز عشان ما ينزلو لاخر القالب و يلصقو بالقاع قبل ما نضيفهم نخلطهم بشوي طحين
المقادير :
١ كوب زيت نباتي
٢ كوب طحين متعدد الاستعمالات
٢ ملعقة صغيرة قرفة مطحونة
١ ٣/٤ ملعقة صغيرة بيكنغ باودر
٣/٤ ملعقة صغيرة زنجبيل مطحون ( اختياري)
٣/٤ ملعقة صغيرة ملح
٤ حبات بيض كبير الحجم
٢ ١/٢ كوب جزر مبشور ناعم
٢ كوب سكر بني
٣/٤ كوب جوز محمص و مفروم
١/٢ كوب زبيب
١ ٢/١ ملعقة صغيرة فانيلا سائلة
٢ كوب جوز مفروم للتزيين
لخليط التغليف :
٤٥٠ غم جبن كريمي بحرارة الغرفة
١ ١/٢ كوب زبدة بحرارة الغرفة
٤ اكواب سكر مطحون بودرة
٤ ملعقة صغيرة فانيلا سائلة
٣/٤ ملعقة صغيرة ملح
الطريقة :
- نحمي الفرن على حرارة ١٦٠ مئوية
- نغلف صينيتين ٩" بالزيت اولا ثم نرش الطحين ، نرج للتخلص من فائض الطحين ، غلفي القاع بورق زبدة
- في وعاء عميق ننخل الطحين ، البيكنغ باودر ، الزنجبيل البودرة ، القرفة و الملح .
- في وعاء اخر ( او العجانة الكهربائية) نخلط كل من الزيت ، البيض ، الجزر، السكر البني ، الزبيب ،الجوز و الفانيلا على سرعة متوسطة لمدة دقيقة واحدة فقط
- نضيف خليط المكونات الجافة بالتدريج حتى تتجانس .
- نقسم خليط الكيك على صينيتين بشكل متساوي و نخبز بالفرن ٢٨-٣٠ دقيقة . او حتى تغرس عود اسنان بوسط الكيك و يخرج جاف .
- نخرج من الفرن و نترك ليبرد ١٥ دقيقة . نخرج من الصينية و نتركه ليبرد تماما على رف التبريد .
-
لتحضير خليط التغليفة :
- نخفق الزبدة و الجبن الكريمي في وعاء عميق على سرعة متوسطة و نبدأ بإضافة السكر المطحون بالتدريج . نضيف الفانيلا و الملح و نتأكد من اختلاط الجوانب و القاع .
نغطي و نتركه بحرارة الغرفة لتطبيق الكيك .
- نقسم كل كيكة إلى قسمين و نبدأ بترتيب الطبقة تلو الاخرى و بين كل واحدة نضع القليل من خليط التغليف
- نغلف الجوانب جيدا و ممكن تبريد الكيكة و تغليفها في وقت لاحق بحيث تكون متماسكة اكثر .
- نزين الاطراف بالجوز المفروم و نقدم .
