من ام يوسف
اوﻻ...حنعمل خلطة الحشوة ...بنخلط ظرف كريما باودر مع ربع كوب حليب وبعدين بنضيف علبة ونص قشطة ونص كوب نوتيلا...وبعد الخفق بنغطيها ونتركها بالتلاجة لحين الحاجة...ويفضل عملها قبل ليلة...
لعمل الكيكة...بوعاء ننخل كوب ونص طحين مع ثلث كوب كاكاو ونص م ص بيكينغ باودر ونص م ص بيكينغ صودا ونتركهم عجنب...بوعاء تاني بنخلط 10م ك زبدة طرية مع كوب سكر وبعدين نضيف 3بيض نع فانيلا ونخفق ثم نص كوب لبن زبادي و50غم شوكوﻻتة مذوبة ونص كوب ماء ساخن..ونخلط...ثم نضيف 100غم شوكوﻻتة مبشورة ونخلط بالملعقة وبصينية مدهونة بالزيت ومرشوشة بالكاكاو او مبطنة بورق الزبدة...وبالفرن بالرف الوسط بحرارة 180 لحتى تستوي....انا عملتها قسمين وممكن تقسميها نصين وتحشيها بحشوة النوتيلا اللي جهزناها من قبل بعد ماتبرد الكيكة...بنحضر الجناش اللي هو نص كوب كريما سائلة نغليها عالغاز ونضيف عليها كوب شوكوﻻتة ونحرك لحتى تذوب ونصبها فوق الكيكة عالوجه...نخليها تنزل شوي عالاطراف لحتى نقدر نلزق الكيت كات...نبدأ برص الكيت كات عالداير...ونزين نص مالتيزرز ونص حلوى m&ms ..بنجيب عصاية الشوي الخشب...بنحط عليها شوكوﻻتة مذوبة ونبدأ نلزق حبات الشوكوﻻتة عليه ونعلق الكيس فوقها والف صحة
