من ام يوسف
مقادير العجين: لكل كاسة طحين م ك زيت و رشة ملح و منفرك منيح و منضيف ماء دافي بتدريج حتى تصير عندك عجينة متماسكة ( لا ناعمة و لا قاسية .. وسط) منرش شوية طحين في الوعاء و كمان ع العجينة و منغطيها و منريحها ساعة.. ( لازم العجينة ترتاح هي اهم خطوة ).. منرش سطح الفرد بكمية طحين منيحة و منفرد العجين بالشوبك كتير رقيق و منقطع ع شكل الدائرة و لو رح تعملي بالالة خاصة يالسمبوسة لازم تغطي القطع دائرة بالطحين مشان ماتلصق في الالة وقت التقفيل و منحشيهن و منقفل منيح و منحطهن بالصينية ( مو فوق بعض.. اتركي مسافة بين وحدة و التانية) و ع الفريزر نصف ساعة و بعدين منقلي في زيت غزير و ساخن و منحمر تجاهين و تقدم ساخناً و بالعافية
مقادير الحشو: منسحن 2 م ك زيت زيتون و منذبل بصلة صغيرة مفروم ناعم + سنين توم و منضيف اللحمة المفرومة و منقلب و منضيف حبة بطاطس حجم وسط مبروش و منقلب و منغطي حتى تنضج اللحمة و يجف و هلاء فيكي تضيفي خضار حسب الرغبة متل بازيلا و جزر و ذرة و آخر شي منضيف ملح و بهار و 2 م ك بقدونس مفروم ناعم و 2 م ك من جبن السايل( جبن كاسات و هاي الخطوة اختياري و انا ضيفت مشان تخلي الحشوة متماسكة )
