من ام يوسف
☕
منخفق 5 بيضات ( ع درجة حرارة الغرفة) ع اعلى سرعة + كاسة سكر + م ص فانيلا لمدة خمس دقائق متواصل حتى لونه يفتح تماماً و هلا منخفف السرعة لوسط و منضيف 3/4 كاسة زبادي ( ع درجة حرارة الغرفة) + 3/4 كاسة زيت + م ك نسكافية و منضيف كاستين طحين منخول مع 2 م ص باكينج بودر و رشة ملح + نصف كاسة حليب ( منضيف الطحين ع 3 دفعات و الحليب ع دفعتين)..
مندهن القالب زبدة و منرش طحين و منسكب الخليط و منخبز بالفرن محمى مسبقاً ع درجة 180 او حسب فرنك لمدة 30-35 دقائق و منطلعها و منسقيها بفنجان ماء مداب فيه م ك نسكافيه و منتركها تبرد تماماً و وقت التقديم منزين بالصوص اللي هو : ع النار مندوب م ك نسكافيه في علبة حليب مكثف محلى و منضيف م ص زبدة و منقلب منيح و منتركه يبرد و منزين و بالعافية
