من ام يوسف
كلمة روووعة قليلة فحقه
3 كاسات طحين منخول + م ك خميرة فورية + 2 م ك سكر + م ص ملح و منقلب و منضيف 1/4 كاسة زيت زيتون ( لازم زيت زيتون مافي بديل) و منفرك منيح و منضيف كاسة و ربع ماء دافي بتدريج و نعجن منيح و منلم العجينة و بتكون العجينة لمساء و ناعمة..
هلاء منجيب الصينية حوافها عالية اللي رح تخبزي فيها ..مندهنها زيت زيتون و منمد العجينة و منرش ع الوجه شوية زيت زيتون و منرش اعشاب ايطالي او اوريجانو و روز ماري و لو مو متوفر ممكن زعتر يابس و رشة من ملح خشن و حبات الزيتون ( زيتون مخلل اخضر او اسود) و منغطيه العجينة و منتركها تتخمر بقلب الصينية لمدة ساعة في مكان دافى.. بعد ماتتخمر منخبرها بالفرن ع الدرجة 200 محمى مسبقاًمن 10-15 دقائق او حتى يتحمر الوجه و الحواف و منطلعها و منغطيها بفوطة مطبخ عشر دقائق ( مشان تحتفظ بطراوته) و تقدم و بالعافية
ملاحظة: الفرن منشغله من فوق و تحت او من تحت الاول بعدين منحمره من فوق
