من Hadeel Abo Baker
المقادير
3كوب طحين
ملعقه ك ممسوحة بيكنغ باودر
2 ملعقة ك قطر
كوب ماء
ملعقة سمنة
رشة ملح
ملعقة زيت لملمة العجين
وبنحط ربع ملعقة بيكربونات بالسمنة اللي بدنا نورق فيها اثناء الشغل يعني بندوب السمنة وبنحرك معا هالربع ملعقة وبنتركا عطرف عشان نورق وندهن فيها طول مراحل الشغل
الطريقة
بنخلط النواشف وبنحطر القطر مع كاسة المي وبننزلا بشكل خيط لتصير عجينة مطاطية وبنحط ملعقة السمنة وبس اتماسكت بنلملم العجين بملعقة زيت ولنريحا ساعة او اكتر كل ماريحناها احسن
وبعدا بنعملا رول وبنقطعا حوالي 12 ل15 قطعة وبندهن كل قطعة بزيت وبنرجع بريحا ساعة وبعدا بنمد كل كرة قرص وبندهنو سمنة وبنسكرو وبنريحن نص ساعة او اكتر وبعدا بنمد كل قرص عالرخامة متل الصور وبنلفن رول وبنريحن وبعدا بنوقف الرول وبنكبس عليه وبنحشيهن وبنحط عكل شعبية شوية سمنة ونخبزن بفرن حامي من فوق شوي وبعدا من تخت ليستوا وبعدا من فوق مرة تانية ليحمروا واثناء الخبز كلشوي بنطالع الصينية وبنصب عليهن من السمنة السايحة حتى ماينشفوا
الحشوة:
عملت قريشة وخلطتا بشوية قيمر وجوز وملعقتين سكر وشوية قرفة
