من ناهد العبدالله
سلة الفطاير :ثلاث كاسات طحين +ملعقة كبيرة خميرة + ثلاث ملاعق حليب بودرة +رشة ملح +رشة سكر +بيضة +نص فنجان الشاي زيت +ملعقة صغيرة باكينج باودر +ماء للعجن ..نخلط الطحين مع الملح والسكر والباكينج باودر والخميرة والحليب وبعدين نحط البيضة وبعدا نعجن بالمي شوي مي وشوي زيت لتصير عنا عجينة متماسكة ونخليها تختمر شي ساعة وبعدين نشكلها ونحشيها ونخليها تختمر قبل ما نحطها الفرن ..السلة من نفس العجينة والوردات الملونة عملتن من طحين ورشة ملح وملعقة زيت ومي وملون طعام وعجنتهم وشكلتهم على شكل ورد وبالفرن ..الورد الملون بس للزينة ما بيتاكل لانو قاسي
فطيرة الضفيرة :محشية جبن وزعتر ..المقادير : ثلاث اكواب طحين +ملعقة كبيرة خميرة +نص ملعقة صغيرة باكينج باودر +ذرة ملح + رشة سكر + ملعقتين كبار حليب بودرة + بيضة + نص فنجان شاي زيت + ماء للعجن ..نخلط النواشف مع بعض وبعدها البيضة ونخلط والزيت اول باول ونعجن وبعدها المي كمان اول باول لتصير عجينة متماسكة وطرية ونخمرها شي ساعة وبنقسمها ثلاث اقسام وبنفردها بالشوبك بالطول وبنحط جبنة بالوسط ونسكرها وبنحط بالاطراف شوي مي لتتسكر وبعدين نرجع نبرمها مشان تطول اكثر بنعمل الثلاثة هيك انا حشيت ثنين جبنة والي بالنص زعتر ونبرمهم مثل الضفيرة وندهن الوجه حليب وبيض ونخليها تختمر ونحطها بفرن حامي من تحت لتتحمر وبعدين من فوق ..
