من Bisan Basheer Afana
فطاير مع سلطة تكس مكس :
فطيرة البيدا التركية ♡
بتعملي اي عجينة معتمداهاا ,
الحشوة
لحمة مفرومة وبصل بتدبليهم عالنار لحد مايستوو , بالخلاط اخفقي حبة بندورة كبيرة مع بصلة و 1 فليفلة و فلفل حراق و3 معالق كبيرة صلصلة اخفقيهم سووا وضيفيهم عاللحة يلي ستويناها وضيفي ملح وفلفل اسود وبهار شطة , وخليهم لحد مايتسبكو واحشي فيهم على شكل عين
والف صحة وهنا
فطيرة الكالزوني الايطالية ♡
ممكن تستخدمي اي عجينة بتزبط معك ومعتمداها
العجينة :
3ونص كاس طحين وملعقة كبيرة خميرة و2 ملعقة سكر و ملعقة كبيرة حليب بودرة ورشة ملح
3 ملاعق كبيره زيت بتعجنيهم بمي دافية
الحشوة :
دجاج مخلي من العظم والجلد ومقطع صغيرو بصلة مقطعه وفصين ثوم مهروسين و فلفل ملون مقطع مكعبات فلفل اخضر مقطع مكعبات مشروم مقطع صغير
اول شي بنحط الزيت بالمقلاية وبنحط البصل والثوم وصدور الدجاج ليدبلو بنضيف الفلفل الملون وبابريكا وبهارات شاورما لو عندك ,
وبنقليهم لحد مايستوو ,
بنفرد العجينة شكل داشرة بنحط الحشوة وبنضيف عليها جبنة شرايح و على طرف والطرف التاني بنعمل فتحت بالسكين ,
بنسكر الطرفين سوا وبندهن الوجه صفار بيض مع ذرو حليب و نسكافيه وبنرش سمسم وحبة البركة
والف صحة وهنا
فطيرة الامباندا ♡
العجينة :
3 كاسات طحين ومعلقة كبيرة خميرة واربع معالق زبدة او زيت زيتون ومعلقة صغيرى بيكنج باودرومعلقة سكر وملح وصفار بيضتين بتعجنيهم سوا بمي دافية بتتركيها ترتاج ساعة وبتفرديها بالصينية بحيث تكون الاطراف مرفوعة شوي لفوق , وبتحطي جبنة مبشورة عالعجين وبعدين الحشوة ,
الحشوة :
بصل ودجاج بشوية زيت بس يستوي بتضيفي عليهم زعتر ناشف وملح وفلفل اسود وبابريكا وبندورة مقطعة وفلفل ملون ليدبلووو وبنحطهم فوق الجبنة
بعدها بنسكب الحشوة عالعجين والجبنة ,
وبنعمل عجينة دائرية بنغطي فيها الحشوة وبتشكلي فيها متل مابتحبي انا عملت فتحات وعالجنب تجديلة ,
وبتدهني الوجه صفار بيض وذرة حليب ورشة نسكافيه مخلوطين سوا وبتخبزيها بالفرن من تحت وبتحمريها من فوق
وصحة وهنا
سلطة تكس مكس :
الصوص :
معلقتين كبار مايومينز افضل نوع مازولااا
وربع كاس لبن كامل الدسم
ومعلقة كبيرة وستر صوص وازا مالقيتيه حطي ماسطردة
نص معلقة صغيرة اوريجانو
رشة فلفل اسود
تخفقيهم سوووا
السلطة خس مقطع مكعبات بندورة مقطعة كبير و ملفوف احمر
و صدر دجاج مشوي ونعلقة خل وملح
بتخلطيهم سوا وبترتبي صدور الدجاج عالوش وبتقلي خبز صاج مقطع بشكل مثلثات او ممكن تستغني عنه بشيبس دوريتوس
والف صحة وهنا
