750 غرام طحين ..استخدمت كوب معياري 250 مل 3 اكواب
حطيت عليه معلقة سكر كبيرة
معلقة باكنغ باودر كبيرة
معلقة ملح كبيرة
بيضة مخفوقة مع معلقة خل
نص كوب زيت نباتي خلطتهم سوا مزبوووط ..
حطيت مية دافية بنص كاسة شاي معلقة كبيرة خميرة فورية ومعلقة سكر كبير حركتهم مزبوط وتركتها عشر دقايق وبعدين ضفتها للمكونات ...
بهالاثناء حطيت عالنار علبة لبن زبادي 170 غرام
200 مل حليب ..تقريبا كوب
معلقتين زبدة كبار تقريبا 20 غرام ..تركتهم لحتى صارو دافيين اكتر بشوي من المعتاد والزبدة تقريبا دابت ..وبلشت اضيف الخليط للمكونات الاولى واعجن هلا ممكن نحتاج رشات طحين حسب نوعو ..وبنعجن مزبوووط مش اقل من ربع ياعة لحتى تصير عنا عجينة قطنيه وطرية دبقة شوي مش ناشفة ...وبما انو الجو بارد شغلت الفرن 5 دقايق دفي بعدين طفيتو وحطبت العجينة فيه نص ساعة تختمر ويتضاعف حجمها ...
خلية الجبنة ..
فردت العجينة على شكل مستطيل متل ما السينابون وحطيت على طرفها جبنة ولفيتها رول وقطعتها وحطيتها بقالب مدهون زيت جنب بعض تركتها تتضاعف وتختمر كمان مرة وخبزتها ..
البيتزا ..
بالطريقة المعتادة فردتها وحطيت صلصة بيتزا وزيتون وماشروم وجبنة موزيريلا وخبزتها ...
طبعا الفىن لازم يكون حامي قبل بوقت على 200 وبالرف اللي تحت لانو المعجنات ازا طولت بالفرن بتنشف
