اول شي بنعمل الحشوة ...
1/3كوب سكر
فنجان مية
معلقتين نشا صغار
عصير ليمونة صغيرة
معلقة قرفة كبيرة ..بنحركهم عالنار سوا مززبوط لحتى يدوب السكر ويتقل الخليط ..بنضيف 3 حبات تفاح كبار مقشرات ومفرومين ناعم وبنحركهم عالتار لجتى يستوي ممكن نهرهم وممكن نتركهم قطع انا بحبها قطع ...ضفت كمان شوية زبيب وجوز مفروم ..
بنتركها تبرد ..
العجينة ...
كوب ونص طحين
معلقة باكنغ بادر صغيرة
رشة ملح
معلقتين سكر بودرة
برش ليمونة
بنحركهم سوا بعدين بنضيف
1/3كوب زبدة جاااااامدة ومقطعة ناعم
وبنفركها عالسريع لحتى يصير خليط متل الرمل ..
بنضيف نص كوب حليب ساءل وبنحركهم عالخفيف لحتى تتكون عجينة مفتفتة نوعا ما ..مش لازم تنعجن ابداا بس لما تتكون عنا كتلة بنغلفها بنايلون وبنتركها بالتلاجة نص ساعة عالاقل ..
بعدين بنقطعها وبنفرها مستطيل بنحط الحشوة وبنقفل اطرافو او بنشكلها باي طريقة انا عملتها بقالب السمبوسك عشان اسرع وبرجعها عالتلاجة تتماسك كمان نص ساعة وبقليها بزيت غزير حامي بس بنوطي النار شوي بنخلي الحرارة متوسطة لحتى تتحمر من الجهتين وبنحطها على ورق نشاف...
ممكن تنرش سكر بودرة وقرفة او تاقدم مع ايس كريم فانيلا حسب الرغبة وممكن سادة وممكن تتاكل دافية او باردة
بثينة
