من بثينة غانم
منافيش جبنة وبيض ..وزعتر ..وبيتزا ...وخبز
الطريقة ...
ثلاث اكواب طحين
معلقة خميرة كبيرة
معلقة سكر كبيرة
معلقة صغيرة ملح
معلقة صغيرة باكنغ باودر ..ممكن الاستغناء عنها
ومعلقتين حليب بودرة ...ممكن الاستغناء عنهم هدول اضافات مني بيعطو طراوة وطعم مميز ..
مية دافية تقريبا كوبين الا ربع اخدت معي ..
بنعجن المكونات سوا لحتى تتكون عنا عجينة طرية كتير وبتلزق بالايد....
بعدين بنجيب جاط فيه زيت مدهون وبندهن ايدينا بزيت وبنصير شوي شوي نشيلها لانو طتير بتلزق صعب التعامل معها وبنحطها بالجاط المدهون زيت وبنتركها لجتى تتخمر ويتضاعف حجمها ...
بعد ما تتخمر بنحط جاط في طحين او صحن وبنغمس ايدينا فيه وبنصير نقطع العجينة كرات وفورا نحطها بالطحين عالجهتين تتغلف بس مو كتير وبس تخلص الكمية بنحطهم على صينية فيها طحين وبنغطيهم يتخمرو كمان مرة ...بهاد الوقت بنجهز مقلاية ما بتلزق او صاج..انا استخدمت صاج الشواية ..
بنفرد كل قطعة عجينة وبنرش طحين شوي وبنفردها بايدنا ما في داعي للنشابة ..الشوبك ...
بنحطها على الصاجة او القلاية بعد ما نكون سخناها وبنفس الوقت بنشغل ش اية الفرن اللي من فوق ....بس نحطها عالصاجة بنخزقها بالشوكة عشان ما تنفخ ..بنفرد عليها اي حشوة بنحبها وبنتركها تتحمر من تحت شوي وبعدين بنشيلها وبنحطها بصينية مجهزينها بنكون وبنحطها تحت الشواية تتحمر شوي وبعدين فورا بنشيلها وبنغطيها بفوطة مطبخ نضيفة ..وبنكمل بقية العجينة بنفس الطريقة
