من
Buthayna Ghanem صينية القزحة (حبة البركة ).. حلو رااائع ومفيد كتييير ومو معروف عند الكل وممكن ناس تستغربو كمان بس طعمو ولا اروع وللي بيحب يجرب هاي الطريقة ...
كل كيلو طحين
بنحتاج معلقتين باكنغ باودر كبار
تلت معالق سكر كبار اكتر او اقل حسب الرغبة بس هوة رح ينحط قطر بالاخر
كوبين زيت زيتون او نص زيت زيتون ونص نباتي
بنفرك الطحين بالزيت مزبووووووط متل لما بدنا نبس كعك العيد ...
بنضيف مرتبان قزحة سائلة بيكون متل الطحينية بس لونو اسود وبنفركو مزبوط معهم ...وبنضيف مية دافية وبنضل نعجن لحتى يصير القوام عجينة لينة مو جامدة ولا سائلة ممكن نفردها بصينية مدهونة زيت وبنتركها ترتاح شوي وبنحمي الفرن وبنقطعها وبنحط لوز وبندخلها لحتى تنشف من تحت هوة ما ببين لونها ازا تحمر لانها سودا بس بتنشف شوي وبيصير لونها افتح وبنشغل النار من فوق لحتى تنشف من فوق ويتحمر اللوز ...بنطلعها من الفرن وبنضيفلها القطر البارد ..بنتركها تبرد تماما بعدين بنقطعها
