من الشيف مونى
البوظة العربية (الدمشقية) بالمستكة والفستق من مطبخى
كل عام وانتم بخير
ده اخر موضوع هنزله قبل رمضان ان شاء الله وهو البوظة العربية والبوظة العربية تاريخها بيعود لمدينة دمشق وهى اختراع سورى من سنة 1895 واللى اكتشفها وقتها شخص اسمه محمد حمدى بكداش واولاده واحفاده ورثوا منه المهنة والمحل بتاعهم اسمه بكداش وموجود لغاية دلوقتى فى دمشق فى منطقة سوق الحميدية وان شاء الله قريب ترجع سوريا زى الاول واحسن ونروح ناكل البوظة هناك على اصولها
مش هطول عليكم بس حبيت اقولكم نبذة مختصرة عن تاريخ البوظة (وطبعا النبذة دى لغير السوريين لأنهم اكيد عارفين اكتر منى)
المكونات:
لتر حليب
كوب وربع سكر
ملعقة صغيرة مستكة مطحونة
ربع كوب سحلب(خام مش مضاف ليه اى مكسرات)
2 ملعقة صغيرة ماء ورد
كوب فستق مجروش
الطريقة:
هنحط كوبايتين من الحليب والسكر فى كسرولة ومعاهم المستكة المطحونة ونحركهم ونحطهم على نار هادية لغاية مايغلوا وبعد مايغلى الحليب والسكر هناخد منهم ربع كوب وندوب فيه السحلب وافضل نوع سحلب هو التركى بس بقية الانواع بردو تنفع انا عن نفسى استخدمت سحلب عادى ونقلبهم لغاية مايدوب السحلب ونضيفهم على ا
