من ناهد العبد الله
دجاج مع بطاطا بالفرن..بتبل الدجاج قبل بساعة ساعتين ب ملح وفلفل اسود وفلفل احمر وثوم بودرة او مهروس وبصل بودرةوملعقتين عصير ليمون وملعقتين زيت زيتون شوي زعفران منقوع بمي..وبقطع البطاطا حلقات وبتبلها ب ملح وكزبرة ناشفة وثوم وشوي زيت زيتون وبحطها بصحن الفرن وبحط فلفل اخضر مقطع وبحط قطع الدجاج وبحط كاسة ونص مي وبغلفها بورق الالمنيوم وبالفرن لمدة ساعة وشوي وبس تستوي بشيل ورق الالمنيوم وبدهن الدجاجة بشوي زيت زيتون وبشغل من فوق عشر دقايق لتتحمر
سلطة كوسا..ست حبات كوسا بقطعها دوائر وبملحهاوبقليها لتاخذ لون ذهبي ونساوي التتبيلة الي هيي كوب زبادي وثلاث ملاعق كبيرة طحينة وعصير ليمونة وملح وشوي زيت زيتون نخلطهم ونحط شوي من الخلطة بصحن التقديم ونحط شرائح الكوسا فوقها ونرجع نحط من الخلطة فوق الكوسا ونزينها بالصنوبر المقلي..هله ممكن تضيفو ثوم للخلطة
سلطة مشكلة..خيار وخس وبندورة وفليفلة خضرة وبصل ابيض ونعناع اخضر وفجل بقطعهم تقطيع خشن وبتبلهم بملح وعصير ليمون وزيت زيتون وسماق
