الشاكرية:
الطريقة نحتاج 2 كيلو زبادي عالبارد منضيف بيضة وفنجان صغير جدا طحين ومنحرك منيح بعدين منضيفهن عالنار مع التحريك المستمر ونار هادي بعدين بس يغلي الزبادي منضيف مرق اللحم المسلوق سابقا حتى نحصل عالمطلوب واللحمة منخليهم يتسبكوا مع بعض شي 10 دقائق ومنطفي
ملاحظة مهمة: مانغطي عليها بعدين بيفرط اللبن ..
طريقة طبخ ارز بسمتي :
ننقع الارز ساعة مو مشكلة وبعدين نغسلو كتير منيح ومنصفي وعالنار زيت مع ملعقة سمن يكون بلدي او مثلا البقرة الحلوب او اصيل الخضرا او سمنة لورباك هدول الذ شي وشعيرية منحمصها لتزهر وبعدين منضيف الارز ومنقلب ليتغلف بالزيت وفوقها الماء المغلي لكل كوب بسمتي كوبين ماء وملعقة صغيرة ملح بس يغلوا شوي مع بعض منغطي ومنوطي النار جدا حتى الاستواء وبالعافية
