الطريقة :
بمقلاة على النار زيت مع ٤ حبات بصل شرايح وملعقة صغيرة سكر وعلى نار هادئة مع التحريك حتى يحمر او يتكرمل نرفعو من على النار من دون الزيت ونطحنو بالمطحنة مع ثلاث ارباع الكوب ماء وبعدين منرجع البصل المطحون عالطنجرة ومنضيف عليه كمون بهار سمك بابريكا ملح زنجبيل رشة قرفة هيل مطحون وننضيف الرز ومنحرك اخر شي الماء المغلي لكل كوب رز بسمتي كوبين ماء وعلى نار عالي مدة دقيقتين بعدين نار هادي حتى الاستواء
السمك :
على الاقل نصف ساعة قبل القلي منتبلو ب : ملح بهار السمك الخاص. وكمون بابريكا ومنعفروا اخر شي قبل القلي بالطحين وبالزيت وبس يحمر الطرف الاول منديرو عالوجه التاني ومنسكب الرز بصحن التقديم وفوقو السمك والبقدونس
صلصلة الطحينة عبارة عن طحينة دبس رمان ليمون بقدونس ومي ومنحركهن منيح وبس
وصحة وهنا
