طريقة الكبة : انقعي كيلو البرغل الناعم 10 دقائق بالمي بعدين عصري وصفي وحطي عليه بصلتين وسط وبماكينة الكبة دورين تاني دور حطي ملح و نص كيلو لحمة هبرة وبابريكا حلوة وحارة يعني لكل كيلو برغل نص كيلو لحمة هبرة مع البرغل ونص كيلو لحمة مفرومة للحشو وبعد ما تدوريها دورتين ادعكيها كويس بإيدك مع ملعقة كبيرة طحين وبعدين منبلش حشي الكبة .
مقادير الحشوة هي : نص كيلو لحمة مفرومة بس انا بصراحة حطيت اكتر مع صنوبر محمص بسمن او زيت ليزهر مع بصلة مفرومة ناااااعمة ملح فلفل اسود بهار مشكل ملح وحطيت معها بهار كبسة روعة وحمسيهم بزيت على النار حتى تستوي وبلشي احشي العجنة اعمليها كور صغيرة وبعدين افتحيها واحشي الكور وشكليهم منعمل تجويف ومنحشيها وبعدها منفردهن بصينية وبالفريزر حتى يبلشوا يجمدوا منحطهن بكياس وعالتجميد
وقت بدنا نقليهن منطلعن فورا من الفريزر عالزيت الحاااااار
اهم الشي يكون الزيت حار وضيفي حبة حبة وكل حبة غطي فورا المقلي من شان مايطرش الزيت وبعدها منهلي الحرارة وسط وشيلي الغطا بتطلع كنها تازة
الشيشبرك
عجينة الشيشبرك : 2 كوب طحين مع ملح وتقريبا أقل من كوب ماء
ونعجن ونتركها للراحة 10 دقائق بعدين نفردها بالشوبك ونقطعها ونقوم بحشيها باللحمة المحموسة مع بصلة سابقا والصنوبر المحمس
وبصينية بالفريزر بس يجمدوا منحطهن بكياس ومنرجعهن عالفريزر
