عدس بحصرم
مشاهدة وصفات اخرى بواسطة omhasan
Description
المقاديرمافي مقدار معين على حسب مابتحبوا الكمية اما المكونات هي
عدس صحيح
سلق
بقدونس
ملح
طحين
ثوم مقطع
ماء
زيت زيتون
الطريقة :
قبل كل شي منفرم البقدونس والسلق ومننقعو بمي من شان ينزل كل شي فيه
وبعدين بطنجرة منحط فيها العدس المغسول وفوقو مي وبعدين بس يغلي منضيف السلق والبقدونس يللي غسلناه وعصرنا منيح من المي ومنحرك بعدين منضيف التوم المقطع على شكل دائري وكل ماكترنا توم كل ماصار اطيب ومنتركهن يغلوا مع بعض ليستوي العدس هلأ بوعاء منحط طحين مدوب بمي من شان مايكتل بالطنجرة لازم نحركه بمي باردة وبعدها منضيفهن بالتدريج على العدس والسلق ومنحرك باستمرار حتى يتقل شوي منحط وملح وآخر شي منضيف الحامض هو اصلو بعصير الحصرم بس لانو غالبا مو متوفر منحط عصير ليمون وشوي من ملح الليمون على حسب ماتحبوا الحموضة انتو
الخطوة الاخيرة بمقلاة على النار منسخن الزيت ومنسقي فيه الطنجرة ويقدم مع البطاطا المقلية كتير طيب جنبها وصحة وعافي