المقادير:
يقطين
لحمة مفرومة
و مقادير الصلصة هي
ثلث كوب طحينة
5 ملاعق دبس الرمان
عصير ليمونة
نصف كوب ماء دافئ
الطريقة:
منجيب اليقطينة ونقشرها ونقطعها لمكعبات ونقليها متل البطاطا المقلية تمام
وممكن نحتفظ فيها بالفريزر ليوم الاستعمال
اول شي نقلي لحمة والصراحة انا قليت اللحم بالتيفال لتفادي اضافة الزيت
وعندما تستوي اللحمة منيح ونضع لها الملح والفلفل
نضع عليها قطع اليقطين المقلية
ونقلب
ثم نتركها على النار الخفيفة ونحضر الصلصة
نضع كل مقادير الصلصة بالخلاط ونضربها ...وهنا نعدل الطعم بالملح والفلفل
ثم نسكبها على اللحمة واليقطين
ونتركها تتعقد وتتسبك مع بعض
طبعا بعد ربع ساعة رح يكون المزيج نقص بسبب التبخر
ورح تقل كمية الصلصة ورح تكون صارت اسمك واكثف
يعني ما بياخد وقت كتير
تقريبا اذا اليقطين مقلي الطبخة كلها بتكون حاضرة على السفرة بعد 45 دقيقة
هذا الطبق يقدم معه البرغل المفلفل
واليكم طريقة عمل البرغل
البرغل خشن والافضل الاسمر لانو اطيب
وننظفه ونغسله ثم اضعه في الطنجرة وبدون اضافات اي شي
ونحمصه حتى تنشف ماءه ويصبح رائحته جميلة وناشف تماما
ونرفعه ونضعه على جنب
ثم نحمص الشعيرية بالسمنة
ثم نضع الماء اللازم ..... لكل كوب من البرغل المحمص اضع له كوب وتلات ارباع من الماء
وعندما تغلي الماء
نضيف عليها الملح والبرغل السابق ذكره
ونعامله معاملة الرز المفلفل بس انا طبخت رز من شان ولادي
