الطريقة : انقعي كيلو برغل ناعم ربع ساعة بماء دافي وبتصفي من المي وبتعصري منيح حتى ما يضل في مي
بضيف عالبرغل اقل من كيلو لحمة ناعمة هبرة يعني وحبتين بصل كبار مفرومين ناعم او عالبروسيسر اخلطي أحسن وملح وفلفل اسود وكركم وبهارات مشكلة ورشة بابريكا وبهار كبة وبعجنهن كتير منيح مع بعض وإذا عندك ماكنة الكبة بتعمليه عليها انا بعملهم دورين على ماكينة الكبة اول دور برغل لحالو وتاني دور مع الهبرة
الحشوة ؛؛؛
كيلو لحمة مفرومة ناعم بقليها عالغاز مع بصلتين كبار مفروم ناعم وفلفل اخضر حار ناعم وإذا بتحبيها حارة بتزيدي شطة مجروشة وملح فلفل اسود وكركم ورشة هيل بتعطي طعم رهيب وملعقة كبيرة سماق بحركهم حتى يستوو بضيف صنوبر محمص وبخلطة مع بعض
بحط في صحن مي وملعقة صغيرة نشا بدوبها مع المي وببلل ايدي وبعمل الكبة زي بالصورة وبحطها بالتلاجة حتى تمسك منيح اقل شي ساعتين بعدين بقليها في زيت حامي وطبعا بتتفرز بدون قلي كمان لوقت الحاجة وصحتين وهنا
