من ساميا قاووق
الطريقة : محشي الكوسا منحفرو ومنغسلو والحشوة عبارة عن رز مصري ولحمة مفرومة ملح فلفل اسود بهار وشوية سمنة وزيت مازولا ومنحشي كل حبة كوسا ربعها
اما المحشي البيتنجان بالبرغل والطريقة :
بتحمصي كاسة برغل طبعا حسب الكمية اللي بدك ياها بلسمنة
وبعدين بتفرمي بقدونس وبصل يابس وتوم وبندورة مشقرة وفليفلة خضرة حارة وملعقة صلصلة الطماطم وملعقتين دبس فليفلة وملح وفلفل اسود ونعناع يابس وملح ليمون وحمص مسلوق وشوية دهنة ولحمة ناعمة بتخلطيها مع بعض وتحشي الباذنجان ﻷزم يكون صغير ﻷنو ازا كان كبار بيفرط معك...وبعدين تحطيه علنار مع مرقة اللي هي صلصة الطماطم وملح وحمض الليمون وتوم ونعناع مع تثقيل المحشي بس يغلي هدي النار عليها وكل شوي تتفقديه أزا استوى وبلعافية
