المقادير : صدور دجاج مقطعة مكعبات 5 حبات بصل مقطعة شرائح 2 ملعقة كبيرة صلصة طماطم و2 ملعقة كبيرة زيت
نصف كوب بازلاء ونص كوب جزر مقطع مكعبات ومسلوقين كوب بطاطا مقطعة مكعبات ومقلية 2 ملعقة كبيرة لبن (زبادي)
ملعقة كبيرة كاري 2 ملعقة كبيرة كزبرة خضرا مفرومة وحبة صغيرة فلفل أخضر حااار ونصف كوب لوز محمص ومطحون مكعب مرق
الطريقة : بطنجرة على النار منضيف الزيت والبصل ملح ومنحرك حتى تدبل البصلة بس ماتحمر منرفع نصف كمية البصلات من على النار ومنتركهم على جنب والبصل الباقي يللي بالطنجرة منضيف عليهم الدجاج والفلفل الحار الاخضر ومنحرك ومنسكر الطنجرة لمدة شي ربع ساعة بعدها منضيف صلصة الطماطم والزبادي وماء مغلي حتى يتسبكوا مع بعض ويستوي الدجاج ومنغطي الطنجرة قبل ما يستوي الدجاج عالآخر منضيف البازلا والجزر واللون المطحون والكاري مكعب المرق ومنحرك ومنرد منسكر
آخر شي منضيف البطاطا المقلية والكزبرة الخضرا هون بكون اتشرب المي وتسبك منسكبه ومنضيف فوقه كمية البصل يللي شلناها من الطنجرة بالبداي ومنقدمه مع الأرز بدون شعيرية وطريقته كالآتي بطنجرة على النار منضيف زيت مازولا عود قرفة ورقة غار مكعب مرق ومنضيف الرز ومنحرك بعدها منضيف المي المغلي انا استخدمت أرز بسمتي لكل كوب رزز كوبين مي وصحتين وهنا
