من ام بلال السوبركي
الطريقه
اول شي بتنعقي حمص قبل بيوم وتاني يوم بتسلقيه بطنجره الضغط
تاني شي بتجيبي لحمه من غير عضم قد عقده الاصبع او اكبر شويه
تالت شي بتسلقي السماق الحب مش ناعم مع ملعقه ملح وبس يبرد بتصفيه وبتاخدي السماق وبتضربيه بالخلاط مع كاس ماء وبتضلك تعصري فيه حتى تنزل كل الحموضه
الان اهم خطوه انك تصفي ماء السماق بمنخل ناعم جدا وبنحط عليه كل كاسه من ماء السماق ملعقه طحين
تقريبا كل كيلو سماق بياخد 5 كيلو سلق مغسول ومفروم ومنقى
وبياخد 2 كيلو بصل مقطع مربعات
الان بطنجره كبيره بتسفحي البصل حتى يدبل منيح بنحط عليه السلق وبنضل نقلب حتى يدبل وبنعمل دقه من عين جراده ناشفه وفلفل احمر حراق وتوم وبنحطهم على السلق وبنحط الحمص واللحمه وشوربه اللحمه وملعقه كمون وكاسه زيت زيتون وبنخليها على النار حتي يستوي السلق
الان بنحط الملح وماء السماق وبنحركه منيح بنضل نحرك باستمرار حتى ما يلزق ولس تغلي بنعدل الملح والحموضه والحرقان واخر شي بنحط طحينيه حمرا مع الاستمرار بالتحريك وبعدين بنسكبها بصحون وبتتقدم مع المقبلات والدقه الغزاويه الحاره
هاي الاكله تعتبر تراث لاهل غزه وغالبا بتنعمل بالافراح او ليله الحنا
الاكله هاي اذا انطبخت لازم كل الحاره والجيران ياكلو منها فبنعملها بكميات كبيرررره
صحتين وعافيه
