يالنجي
الطريقة :
انا استخدمت ورق عنب المعلب غسلتوا كتير منيح وصفيتوا نقعت رز مصري بمي فاترة ٢٠ دقيقة بعدين غسلتو وصفيتو وحطيت عليه التتبيلة وهي عبارة عن ملح زيت زيتون توم مفروم بصل مفروم هيل ناعم بقدونس وبندورة مفرومين فلفل اسود دبس رمان حركتن منيح ولفيت ورق العنب منجيب الطنجرة حطي بأسفلها بطاطا مأشرة ومغسولة ومقطعة دوائر سميكة وصفي فوقها ورق العنب وحطي عالنار ضيفي علي المي وفوقها صحن وطنجرة صغيرة فيها مي من شان تكبس الورق وبس تغلي المي وطي النار عليه بعد شي ساعة شيلي طنجرة المي وغطي الطنجرة ولازم تكون النار واطي عالطنجرة قبل الاستوا بشوي منضيف الملح ودبس الرمان وبس يستوي تماما اطفي عليه وقدميه صحة وهنا يارب
