من شام كيالي
شيشبرك كذاب
او معكرونه باللبن
بالفتره يلي بتكوني فيها محكومة بالوقت
والولاد قربوا يوصلوا من المدرسه مافي الذ وأسرع من هالخيار
أولا منسلق المعكرونه نص سلق
بعدين منقلي بوعاء الطبخ ربع كيلو من لحمه المفرومه وسط مع رشه فلفل اسود رشه صغيره جوزه الطيب ورشه قرفه نجي للبن هلق الافضل هوه االلبن العربي يلزمنا كيلو لبن مدوب فيه أربع ملاعق نشا مضاف عليه كوبين مي او اذا حبينا نستخدم اللبن العيران صبايا المغتربين بيلزمنا لترين لبن مضاف عليهم أربع ملاعق طعام نشا بدون ما نضيف مي طبعا النشا مندوبو مع اللبن ع البارد أيا كان االلبن يلي بدنا نستخدمو منضيفو ع اللحمه بعد ماقليناها ونبتدي نحرك ليسمك المزيج في حال استخدمنا الزبادي او اللبن العيران بعد مايغلي اللبن منضيف عليه رشه ملح ليمون لنوازن النكهات بعدين مننزل المعكرونه بقلب اللبن ونتركا تغلي غلوه واخيرا منقلي كميه وفيره من الكزبره والتوم بكميه وفيره من السمنه ونضيف منها ملعقه طعام بقلب الوعاء ونحرك والباقي منخليه ع حسب الرغبه نزين الوجه بشوي بقدونس وصحه وهنا
