من بثينة غانم
الطريقة ...
جاج فيليه مقطع من النص ممكن كامل دقتيو شوي بس ...
ممكن جاج عادي بالعضم بس منقطع الجاجة 8 قطع وبنشرح القطع ...
عنا خلطتين لهاي الوصفة ...
الخلطة الاولى .
كوب طحين
معلقة صغيرة بابريكا
معلقة صغيرة بصل باودر
معلقة صغيرة توم باودر
معلقة صغيرة بابريكا
ملح حسب الرغبة
انا استخدمت بهار سازون جويا ممكن تستخدمو اي نوع بهار جاج بتحبوه او بهار مشكل ...
معلقة فلفل ابيض صغيرة ..ممكن اسود ..ممكن بدون
معلقة شطة حارة او بدون ...
معلقة نشا كبيرة ممسوحة
معلقة كبيرة خل ابيض
بحركهم سوا ..بضيف مية حسب ما بتحتاج لتتكون خلطة متل خليط الكيك تقريبا بنحط الجاج فيه بنتركو ليلة كاملة او عالاقل اربع ساعات ...
بنجهز الخلطة التانية ...
كوب ونص طحين تقريبا
معلقة كبيرة باكنغ باودر
معلقة كبيرة نشا
ملح
متل البهارات السابقة بس كميات اقل ...
بنحط عالنار زيت باشي غميق والو غطاية بنتركو لحتى يحمى كويس ...بنشيل قطع الجاج وبنغمسها بخليط الطحين بدون ضغط وفورا عالزيت وما نكتر قطع فيه بنغطيه وبنحطو على نار وسط حسب حجم القطع تقريبا 20 دقيقة .وصحة وهنا
