من نيفين خليل
الطريقة : صدر جاج بقطعه شرحات رقيقة وطبعا غسلته بطحين وليمون وزيت بعدين حطيته بقلاية وقلبته مع ملح وفلفل وبهار جاج وسماق بعدين بقلاية ثانية حطيت شرحات بصل كمية منيحة وذبلتها عالنار مع شوية زيت زيتون وضفت ملح وفلفل اسود وكمية منيحة برضو من السماق وضليت اقلب فيه لحد ما استوى تقريبا بالاخر ضفت البصل المستوي مع السماق وزيت الزيتون على صدر الجاج برضو المستوي وقلبتهم مع بعض وضفت كمان شوية زيت زيتون بعدين طفيت النار وحضرت خبز شراك بتحطي بكل خبزة شوية من الجاج والبصل وبتلفيه وبتحطيه بصينية مدهونة زيت زيتون وبتصفي كل الكمية بعدين بتدهني الوجه زيت زيتون وبتدخليه الفرن عنار هادية لبين ما ينشف ويتحمص الوجه بتقلبيه تحمصي الوجه الثاني وصحتين عقلبكم
