من ام احمد زياد
طريقة
خلطة الدجاج وهي عالطريقة التركية اطيب شي بالخلاط المكسر بتحطي حبتين بندورة و بصلة كبيرة وكم سن توم ونص كاسة لبن وزيت زيتون كمان نص كاس وملح فلفل هيل بابريكا معلقتين رب البندورة عصير ليمونة وازا عندك خردل ماستردا حطي معلقة كبيرة واخلطيهم منيح وانقعي الدجاج بعد غسله وتنضيفه منيح انا بنقعه قبل بيوم او من الصبح بكير بعدين بتحطيه بصينيه وغطيه بورق فويل وساعة وربع بكون استوى شيلي الفويل واشويه بهي الاثناء بتكوني غسلتي رز بسمتي ونقعتيه ربع ساعة هلا بتطبخيه بزبت وسمنه هلا ليش سمنة لانه اطيب لانه الاوزي بده دسم وبتصيفي بهارات الاوزي ومكعبات ماجي او مرق دجاج ازا عندك وملح وهيل بتخليه يغلي كم غلوه وبتهدي النار عالاخر ليستوي وبتجيبي بازيلا وجزر كمان بتسلقيهم بشويه مي وزيت وملح وبهارات لحتى تنشف المي وبتجيبي لحمه ناعمة بتقليها بزيت وبهارات حتى تستوي وبتقلي مكسرات هلا بس تستوي الدجاج والرز بترتبي الصحن الرز بعدين الجزر والبازيلا بعدين اللحمه وهلا الدجاج وفوقها المكسرات وصحتين وهنا ... كونك جديدة عالطبخ جربي بكميه صغيرة
