عجينة الكبة : كيلو برغل ناعم أسمر نص كيلو هبرة مفرومة دورين بصلة كبيرة ملح كمون سبع بهارات ..ننقع البرغل بالماء بحيث يتغطى البرغل بالماء فقط عالحد ونتركه شي ساعتين ثم نضيف المكونات للبرغل ماعدا اللحمة ونديره عالماكينة دور ثم نضيف اللحمة ونديرو مرة تانية نعجن البرغل باليد قليلا حتى تصير العجينة قابلة للتشكيل أنا بضيف شوية مي للعجينة حتى تصير تمام ... والحشوة متل العادة لحمة مفرومة مع بصل وملح وسبع بهارات وفلفل اسود ورشة نعنع مجفف نقليها عالنار حتى تستوي ... الكبة بالصينية ندهن الصينية بملعقة كبيرة سمنة نمد العجينة بشكل متساوي ونحاول نرققها ما تكون سميكة ثم نضع الحشوةونكبسها قليلا بعدين أنا رقيت القسم التاني من العجينة بين قطعتين نايلون على نفس حجم الصينية وقلبت العجينة فوق الحشوة ورتبت الأطراف منيح وكبستها شوي وقطعتها متل الصورةوزينتها باللوز المسلوق ونوزع ملعقة كبيرة سمنة على وجه الصينية ...نحمي الفرن على حرارة ٢٠٠ ونخبها من تحت ٢٠ دقيقة أوحى تحمر الأطراف ثم تحمر الوجه تقريبا ١٢ دقيقة وصحتييين ....
