من غادة جبقجي
اولا ..نقلي بصلة كبيرة وبس دبلت نضع اللحمة فوقها وملح وبهار وبس استوت نضعها على جنب تبرد
طريقة العجينة
كيلوا طحين وملعقة ملح كبيرة ممسوحة وماء دافي للعجن
كل طحين عم يختلف عالتاني لهيك ما في عيار للمي بياخد تقريبا كاستين المهم العجينة تكون متماسكة وما تلصق بالايد ...منريح العجينة ساعة وبعدا منشتغل فيها ..مناخد قطعة من العجينة ومنرقها بالشوبك ومنقطعا بالفنجان او قطاعة البيتفور ومنحشيها لحمة منسكرها متل السمبوسك ونلصق الطرفين مع بعض لاعطاءها شكل قبعة ومنصفهم بصينية مرشوش عليها طحين وبعد الانتهاء منغلي طنجرة مي ومنسلقهم 5دقائق انا بحطهم على ثلاث وجبات ما بحطهم كلن مع بعض ..بهالاثناء..بجيب 2كيلوا ونصف لبن غنم وبحطلوا بيضتين وبخفقوا الاول عالبارد وبعدا بحطوا عالنار مع استمرار التحريك وبس غلا اول غلوة بحط فوقو العجين وبالمقلاة بقلي لحمة قطعة صفيرة وبصير بلاها بس بتعطي طعمة طيبة للكزبرة والتوم وبقلي معا كزبرة وتوم وبعدا بحطوا فوق اللبن وبحط تقريبا 3كاسات ماء وملح حسب الرغبة وبخليهم يغلوا مع بعض غلوتين تلاتة وبطفي وصحة وهنا ..غادة جبقجي
ملاحظة ..تاني يوم بيسمك اللبن كتير ..ممكن تضيفي مي اثناء التسخين بيطلع اطيب
