من ام خالد
شيشبرك او طقيه نابليون مثل ما بقولوها البعض وصورت القطاعه اللى قطعت فيها العجين سهله وسريعه فيها
الطريقه= 3 كاسات طحين و رشة ملح و بحط عليهم معلقتين زيت نباتي
و بفركهم فرك و بضيف معلقة صغيرة باكنج باودر وممكن بدون البيكنج بودر و مي فاترة و بعجن لحد ماتتكون عجينة لينة و ملساء
و بريحها ربع ساعه وبفرد العجينه بالشوبك وبقطع بالقطاعه وبحشيها بحشوه مجهزه مسبقا بصل ولحمه مفرومه ناعم وممكن صنوبر مقلى حسب الرغبه وملح وفلفل وبهارات وشويه نعنع ناشف وبسكرها مثل قرص القطايف وبمسك الاطراف وبلزقها ببعض لحد ما تخلص الكميه بدخلها بالفرن محمى مسبقا لمده 10 دقائق تتماسك العجينه وتعطى لمه احمرار لا تخليها تطول بالفرن لازم يظل فيها طراوه وبخليها على جنب وبجهز اللبن عادى مع مكعب ماجى وملعقه كبيره طحين وبيضه وملعقه زيت زيتون كله بالخلاط وبصبه بالطنجره وقبل ما يغلى بضيف شوى ميه بالنظرمع التحريك لازم يكون خاثر اللبن وبس يغلى بسقط حبات الشيشبرك فى اللبن مع التحريك لحد ما احس انهم بدو يطروا ويعجنوا شوى غلوه غلويتين وبطفى الغاز وبصب بطبق وبزينه بالبقدونس واللوز المقلى وصحتين
