Samaher Omar Salha الطريقة ؛؛؛
بتنقعي الدجاج في ملح وليمون وملعقة خل وبتغسليه منيح
بتحطي بالطنجرة شوية زيت زيتون او سمنة وبس يسخن بتضيفي ملعقة كبيرة بهار كبسة وورق غار وحب هيل وعود قرفة وليمون مجفف وجوزة الطيب وحب فلفل اسود وورق غار بتحركيهن وبس تطلع ريحة البهارات بتضيفي الجاج وبتقلبيه معهم حتى يتغير لون الجاج بتضيفي ماء ساخن يغمرة وبس يغلي بتضيفي ملعقتين كبار لتلات ملاعق معجون بندورة وبتتركيهن حتى يستوي الجاج
في طنجرة تانية بتحطي فنجان زيت او سمنة وبس يسخن بتبشري جزرتين كبار وفليفلة خضرة وحارة وكم سن ثوم وبصلة وبتقلبيهن مع الزيت حتى يتدبلو بتضيفي عليهن رز بسمتي ( انا ما بنقعة بس بغسلة ) وبتخلطي الرز معهم وبعدين بتحطي قطع الجاج بينهم او بتحمري بالفرن وبتغمريهن في ماء السلق وعلى نار هادية حتى يستوو بدهم تقريباً 20 دقيقة وبولعلهم فحمة وصحتين وهنا
