اول شي عجنت كاستين ونص طحين مع معلقة ملح صغيرة وكاسة مي
وبعد العجن ريحتها كالعادة
ومن بعدى حطيت كاستين عدس بني مع ست كاسات مي ع النار واطية وبهالاثناء اخدت نص مقدار العجينة بالنص تماما ورشيتها طحين وفردتها رقيقة بس مو كتير وقطعتها لشرايط طولية ومن بعدى قطعتها بالعرض وممكن بسكينة أو قطاعة البيتزا
لحتى حصلت على شريط يعني طلع لشكل بالاخير متل الفوتوشيني بس قصيرة
وهيك بكون استوي العدس بسقط شرايط العجين بقلب العدس على دفعات مع تقليب خفيف
وبكون فرمة بصل جوانح ومقلي بالزيت متل بصل المجدرة وبضيف البصل كمان فوقهن مع فصين او تلاتة توم وبحط الملح وعصير التمر هندي وانا ما عندي تمر هندي حطيت دبس رمان مع شوية عصير ليمون وركزت الحمض والملح وبتركن على النار لحد ما استوي شرايط العجين وبس استوت وكمان منقلي توم وكزبرة خضرة ومنضيف جزء على الطنجرة والباقي منحتفظ فيه للزينة هو والبصل المقلي
ومنتركه على النار لخد ماتستوي شرايط العجين
منجي هلأ للمرحلة التانية
مناخد القسم التاني من العجين ومنرقها ومنقطعها انا اليوم عملتها مربعات وكمان بعملها شكل دوائر
من بعد التقطيع منكون محمين الزيت ومنقلين ومنزينو عالوج
