ما فيها دهن بنحط اربع معالق زيت زيتون ...
بصلة مبروشة
كم سن توم مهروسين
شوية بقدونس او بدون
معلقة بقسماط كبيرة
معلقة لبن ..اختيارية بس بتعطي طراوة
معلقة دبس رمان ...احتيارية كمان
معلقة كمون صغيرة
معلقة بهارات كفتة ازا متوفرة
ملح
ورشة فلفل اسود او ابيض او بدون ...
بنخلطهم مع بعض منيييح وبنحاول ازا في مية نصفيها تماما بعدين بنتركها ساعتين او اكتر لحتى تتشرب النكهات ..
بعدين بنشكلها متل ما بدنا على اسياخ او بدون ...انا عملتها عالغريل وبيصير تنعمل بالفرن عادي بندهن الصينية شوية زيت وبندخلها مكشوفة لحتى تستوي من تحت وبنشغل الشواية نحمرها اهم نقطة انو بس نحمرها ندهنا خلطة عبارة عن ....مية بصل يعني بصلو ببرشها وبصفي ميتها وبحط معلقتين زيت زيتون ورشة ملح وعصرة ليمون ومعلقة بابريكا صغيرة وشطة حسب الرغبة ومعلقة صلصة بندورة ...بندهنها بالخليط وبنجيب فحمة بنولعها وبنحطها بفنجان وعليها كم نقطة زيت وبغطيها مع الكباب عشان ياخد طعم الشوي ...بيصير بيدون فحم بس بيعطيه طعم مميز
كمان وجبة صحية ...
متبل كوسا مشوي ...
بجيب كوسا حجم وسط او كبير بغسلها منيح وبغلفها بقصدير وبحطها بالفرن لحتى تستوي بس ما تدوب وبعدين بكشفها وبفتحها من النص وبشغل الشولية شوي تتحمر وتاخد طعم شوي ..بهرسها بس تبرد وبضيفلها لبن خالي الدسم وتوم ..مهروس ونعنع ورشة ملح
