اقراص الكفتة محشية خضار
مشاهدة وصفات اخرى بواسطة ظلال ديابل
Description
منظلال ديابيل
?اقراص الكفته المشوية على الفحم محشية خضار ?
مقاديرتتبيلة الكفته ✨(1) نص كيلو لحمة مفرومة مدهنة قليلا - ملعقة بقدونس - ملح - بابريكا ( او نص قرن فليفلة طازج مبشور ) - نص ملعقة بهارات السبعة - ربع ملعقة صغيرة جوزة الطيب بودرة
مقادير حشوة الكفنة✨(2) خمس حبات فطر طازج مقطع شرائح? - نص قرن فليفة حمرا وخضرة مقطعين شرائح ?️?️- بصلة صغيرة مقطعة شرائح - جزرة صغيرة مقطعة شرائح? - خمس حبات فاصوليا خضرة مقطعة - ملعقة زبدة - نص ملعقة صغرة بهارات السبعة - رشة فلفل اسود - ملح
الطريقة✨
(انا رح نزل صور كيفية تشكيل قرص الكفته و حشيه بالخضرة)
الخطوة الاولى ?هلء منتبل اللحمة بالبهارات المذكورة برقم ( 1) ومنغطيها بورق الناليون ومندخلها التلاجة على الاقل ساعة ---- في هل الاثناء نقلي شرائح البصل بالزبدة حتى تزبل قليلا ثم نضيف الفطر ونقلبهم حتى يزبل ايضا ثم نضيف الجزر والفاصوليا الخضرة مع الملح والبهارات مع التقليب وبعد شوي منضيف شرائح الفليفلة وبس استوت الخضرة منطفي تحتها ومنتركها تبرد تماما
الخطوة الثانية??هلء منكور اللحمة الناعمة لكور متوسطة و منجيب بكاسة فيها ماء مثلج ونضع كيس على ظهر الصحن ومنمد كورة اللحم على شكل قرص بايدنا بعد ما منبل ايدنا والكيس قليل من الماء ومنرجع كمان منمد كرة تانية ومنجيب ملعقة من الحشوة ومنحطها فوق القرص الاول وبعدين منضع قرص تاني فوقهم ومنسكرهم جيدا منشان ما تطلع الخضرة اثناء الشوي ومنستمر بنفس العملية لتخلص جميع كور اللحم
الخطوة التالتة???اما منشوي الاقراص على الفحم وكتير وانا بفضل الشوي على الفحم لان اطيب
او مندهن صينية الفرن جيدا بالزبدة ومنرص اقراص اللكفته فيها ومنرجع مندهن وجه الاقراص بالزبدة ومنغطيها بورق الناليون ومندخلها الفرن على درجة 180 مدة ساعة او حسب حرارة فرنك
وتقدم جانب الرز المفلفل والسلطات والف صحة وهنا ??
ملاحظة : لا تنسي تبلي ايدي والصحن بالمي منشان تساعدك بالشغل