من رغد نور الدين
كبة بسياخ،نقعت كيلو برغل بشوية مي وبعدين درتومرتين عالماكينة مع بصلة وملح وكمون بعدين دعكتو مع كيلو هبرة وملح وبهار وقطعتو وضميتو بسياخ وعالفرن ولما استوت الكبة شغلت فحمة وحطيتها بورقة قصدير مع شوية زيت بين الكبة وغطيتها وتركتها خمس دقايق تاخد النكهة وبعدين فرمت جوانح بصل وفليفلة حمرا وخضرا وقليتهن بالدهنة وقلبت فوقهن الكبة وقليتها معهن شوي وعالأكل ،،
بالنسبة للشيش طاووق ،فرمت كيلو صدور جاج وعملت خلطة للتتبيل من المكونات التالية ( نص كاسة لبن،نص كاسة زيت مازولاوزيت زيتون ، عصير ليمون ، ملعقة كبيرة دبس فليفلة ،توم مهروس أو بودرة توم ،ملعقتين كبار خل تفاح، ملح ، ملعقة كزبرة يابسة ، فلفل أسود ، بهار أبيض ، رشة زنجبيل ، رشة جوزة الطيب ، ملعقتين كبار دبس بندورة أو كتشب وشو بيخطر ع بالكن توابل فيكن تحطوا ) نقعت الشيش بالتبلة ليلة كاملة وبعدين ضميتهن بسياخ مع بندورة وبصل ودهنت وش السياخ بزيت الزيتون لأنو بيعطي لون حلو للشوي وعالفرن ولما استوا عملت نفس الشي وحطيت فحم بقصدير فوقو زيت وتركتهن ياخدوا النكهة وعالأكل فورا وصحتين وهنا
